Kwanini Ukila Korosho Nyingi , Unapata Mchafuko Wa Tumbo ?

Korosho ni zao ambalo limekuwa likitumika kwenye shughuli mbalimbali kwa miaka mingi sasa kama vile Kuzalisha mafuta ambayo hutumika katika kilainishi kwenye baadhi ya mashine kubwa ( mafuta ya maganda ya korosho ) , kuwekwa kwenye bidhaa mbalimbali kama vile keki , chocolate n.k , pia korosho zinatumika kama chakula kwa watu wengi  . 

Asilimia kubwa ya watu wanakula korosho kwa kiwango kikubwa wamekuwa wakilalamikia maumivu ya tumbo , tumbo kujaa gesi na wengine hadi kuharisha kabisa . Je unafahamu sababu inayopelekea hali hiyo ? 

Korosho zina aina ya kichocheo kiitwacho PHYTATES ambacho kazi yake ni kutunza madini muhimu kwenye mbegu za korosho na kuja kuyaachia pale mbegu inapoanza kuota , lengo likiwa ni kuipa mbegu mahitaji muhimu pale inapohitaji ili iweze kutoa kuwa mmea

Kichocheo hicho kipo kwenye kila mbegu ya Korosho hivyo unapokula Korosho , Kichocheo huingia kwenye mmeng'enyo wako wa chakula , Wahenga wanasema hakuna binadamu mkamilifu . Kwa bahati mbaya binadamu hatuna kimeng'enya cha PHYTASE ambacho kazi yake ni kuvunja vunja ( kumeng'enya )PHYTATES .

Kutokana na hali hiyo PHYTATES haiwezi kumeng'enywa ndani ya mfumo wa mmeng'enyo na huweza kushikilia( bind ) baadhi ya madini muhimu kwenye mmeng'enyo wa chakula , hivyo kupelekea vimeng'enya kupunguza kufanya kazi kwa ufanisi . Kutokana na vimeng'enya kutofanya kazi kwa ufanisi , hali hii hupelekea mfumo wote wa mmeng'enyo wa chakula kushindwa kufanya kazi kama inavyotakiwa hivyo mtu huweza kujisikia hali ya tumbo kuuma , kujaa gesi na hata kuharisha pale zinapoliwa kwa kiwango kikubwa .

NJIA ZA KUPUNGUZA ATHARI HIZO .

Dalili hizo sio za kudumu na huisha baada ya muda fulani . Pia kuna baadhi ya njia za kupunguza dalili hizo ambazo ni : 

1 . Kula korosho kwa kiasi ( kiwango cha kawaida ) 

2 . Kuziloweka korosho zako kisha kuzikausha . ( unapoloweka korosho Mbegu inatambua kuwa muda wa kuota ni tayari , hivyo PHYTASE huanza kuivunja PHYTATES , hivyo kuondoa hizo athari pale inapoliwa ).

FAIDA ZA KOROSHO MWILINI 

Licha ya athari hizo Korosho zina faida nyingi mwilini na inashauriwa ziliwe kwa kiasi . Mojawapo ya faida hizo ni : 

1 . Kuboresha kiwango cha sukari mwilini kwa kuwa Korosho zina kiwango kidogo cha sukari . 

2 . Ina Nyuzi nyuzi ( fibers ) muhimu kwa ajili ya mmeng'enyo wa chakula 

3 . Kuboresha mzunguko wa damu kwa kuwa zina madini ya Magnesium,  Copper n.k 

4 . Kuboresha afya ya Moyo kwa kuwa zina kiwango kidogo cha mafuta . Hivyo kupunguza uwezekano wa kupata baadhi ya Magonjwa ya Moyo .

5 . Korosho zina protini,  wanga na mafuta hivyo ni nzuri kwenye kuboresha afya ya mwili kwa ujumla .

6 . Kupunguza athari za maambukizi ( inflammation) kwa kuwa Korosho ni antioxidant 

Source : Havard Public Health