Mfahamu Anayetengeneza Kamera Za Iphone

" Utanitumia picha zangu Telegram " , " Ingia Xender unitumie " . Hizi kauli wanazisikia sana watumiaji wa Tunda ( IPhone ) . Na ndo watu wanaongoza kwa kupiga sana picha na kufuta sana picha . Yaani akishakutumia picha zako kinachofuata ni kudelete tuu ila sio kwa ubaya .Leo sitaki kuwazungumzia Watumiaji wa Tunda ila nataka kuzimungumzia Tunda lenyewe .

Katika simu ambazo zinazisifiwa kwa kupiga picha kali basi ukiweka orodha yeyote lazima IPhone iwe ya kwanza . Watu wengi wananunua iphone kwa pride au uwezo wake mzuri wa kupiga picha ila kuwa wale kwasababu ya security na privacy yake ya juu .

Je unajua hiyo kamera kali unayoisifia ya Iphone anatengeneza nani ? Na yupo wapi ?. Sasa Turudi Nyuma kidogo ...

Iphone ya kwanza kabisa ilitengenezwa mwaka 2007 na baada ya mafanikio makubwa na umaarufu hasa kwenye camera zake . Kama kawaida wanasema "Ukiona vyaelea , ujue vimeundwa " watu wengi walianza kufatilia kujua mtengenezaji wa kamera hizo .

Iphone 4S 

Mnamo mwaka 2011 ambapo iPhone 4S ilitengenezwa , Kampuni ya CHIPWORKS ambayo inahusika na masuala ya teknolojia , walitumia Microscope yenye mionzi kuangalia kwenye sensor za kamera hizo na wakakutana na neno SONY na hapo ndipo mwanzo wa watu kuanza kuamini kuwa kamera hizo zinazalishwa na kampuni ya kijapani ya Sony. Toka kipindi hicho hakuna kauli rasmi kutoka makao makuu ya Iphone kuhusu mzalishaji wao wa kamera lakini tetesi za Sony kuhusika zilizidi kupamba moto .

Na hatimaye mnamo December 12 Mwaka 2022 . Mkurugenzi Mkuu wa Apple bwana Tim  Cook alimtembelea Ken Yoshida , Mkurugenzi wa Sony huko Kumamoto , Japan na alitupia kwenye Twitter akisema " We’ve been partnering with Sony for over a decade to create the world’s leading camera sensors for iPhone " .Akimaanisha kuwa " Tumekuwa na Ubia ( ushirikiano ) na Sony kwa zaidi ya miaka 10 ya kutengeneza kamera bora kabisa duniani " .

Huo ndo ukawa mwanzo wa taarifa rasmi kutoka Apple kuwa kamera zao zinazalishwa na Mjapani . Mtaani kwetu wanasema "lisemwalo lipo " na zile tetesi za mwaka 2011 zimekuja kuthibitishwa na Iphone wenyewe .

Siku zote kitu bora ni muunganiko wa mawazo mbalimbali na ndiyo maana Iphone wameamua kushirikiana na kampuni mbalimbali zinazofanya vizuri duniani ili kupata kitu bora .