Push-ups 40 Na Kupata Magonjwa Ya Moyo

Mazoezi ni msingi mkubwa wa afya bora na kwenye miaka ya hivi karibuni hasa katika bara la Afrika kumekuwa na hamasa na uelewa mkubwa sana wa kufanya mazoezi , ndiyo maana kila uchao utasikia wanatangaza Marathon , leo mkoa huu kesho mkoa ule . Hata ukiingia status utakuta watu wanatupia picha wapo gym , bila ya kusahau vikundi mbalimbali vya kukimbia ( jogging ) , yaani kwa sasa kufanya mazoezi ndiyo fashion yenyewe . Tukiacha hizo mbwembwe zote .

Je unajua faida za kufanya mazoezi ? Hasa push ups ambazo unaweza kuzifanya hata ukiwa chumbani kwako umetulia . 

Watafiti wa Havard walifanya utafiti kwa Wazimamoto wapatao 1104 wenye afya nzuri na wastani wa umri wao ulikuwa ni miaka 40 .

Kila mmoja aliambiwa apige push up nyingi kadri awezavyo na idadi ya push up hizo zilirekodiwa kwa kila mmoja . Baada ya miaka 10 , yaani kuanzia mwaka 2000 mpaka 2010 . Watafiti hao walikuja kugundua kuwa wale waliopiga push up nyingi zaidi walikuwa na uwezekano mdogo wa kupata magonjwa ya moyo .

Watafiti hao walipata majibu kuwa Wale walioweza kupiga push up 40 au zaidi kwa mara moja walikuwa na 96% ya uwezekano mdogo wa kupata magonjwa ya moyo ukilinganisha na wale waliopiga push up 10 au chini ya hapo .

" Utafiti huu unaonesha umuhimu wa mazoezi kwa afya , lakini haimaanishi kuwa ukishindwa kupiga push up 10 utapata Magonjwa ya moyo na pia ukiweza kupiga push up 40 hautapata Magonjwa ya moyo , kwani kuna sababu ( factors ) nyingine zinachangia kupata Magonjwa ya moyo pia " Dr Stafano N Kales , Havard.

Chanzo : Havard School Of Public Health