Je , Ni Sahihi Kumlaumu Mama Kuhusu Kupata Mtoto Wa Jinsia Fulani ?

 

Katika jamii zetu za kiafrika kumekuwa na migogoro mingi ndani ya ndoa , moja ya migogoro hiyo ni kupata mtoto wa  jinsia fulani ( kike au kiume ). Kumekuwa na misemo kama vile  " Yule mwanamke anazaa watoto wa kike pekee " , Mara utasikia " Huyu wifi hafai yeye analeta watoto wa kike tuu " . 

Je kauli hii ina ukweli kiasi gani kisayansi na ni haki kumlaumu mwanamke kuhusu kuzaa watoto wa jinsia fulani pekee ?

Tukienda kisayansi Mtoto hupatikana kutokana na muunganiko wa yai la kike na mbegu ya kiume( sperm ) . Kwenye muunganiko huo Mama hutoa kromosomu ( XX ) na Baba hutoa Kromosomu ( XY ) na pia ikumbukwe kuwa kila mwanadamu anamebeba Kromosomu 2 yaani XY kama ni Mwanaume na XX kama ni mwanamke .

Mwanamume hutoa mamilioni ya mbegu na Mwanamke hutoa yai moja tuu.  Hivyo kati ya Mamilioni ya mbegu yanayotolewa na Mwanamume ,  mbegu ( sperm) moja tuu ndiyo ambayo itaungana na yai la mwanamke. 

Hivyo kwenye muunganiko wa mbegu hizo ni Baba ndiye anayepelekea mtoto kuwa wa jinsia gani  kwa sababu anatoa X na Y , wakati Mama anatoa X na X tuu . 

Hivyo endapo Mbegu yenye Kromosomu X ya Baba itaungana na Yai la mama lenye Kromosomu X, basi Mtoto atakuwa wa Kike XX ( X ya Baba na X ya Mama ).

Na kama Mbegu yenye Kromosomu Y ya Baba itaungana na Yai la mama lenye Kromosomu X, Mtoto atakuwa wa Kiume XY ( Y ya Baba na X ya Mama ) .

Hivyo kisayansi na kiuhalisia tunafanya makosa pale ambapo jamii inawalaumu wanawake kuhusu kupata watoto wa jinsia fulani . Hivyo  Sio vizuri kumlaumu mtu yeyote kuhusu jinsia ya mtoto  

NB : WATOTO WOTE NI SAWA NA WANAHITAJI MALEZI NA UPENDO KUTOKA KWA WAZAZI WOTE WAWILI